ميتشو المرشح لتدريب الزمالك يخطو خطوة للامام بتقديم استقالته في اورلاندو

في مفاجأة غريبة يعلن نادي اورلاندو بيراتس الجنوب افريقي ان مدربه الصربي ميتشو تقدم باستقالته لاسباب شخصية لم يتم الاعلان عنها ويعد ميتشو أحد الأسماء المرشحية لتدريب الزمالك، حيث قامت إدارة النادي ولجنة من الخبراء بدراسة السيرة الذاتية للصربي صاحب الـ49 عامًا الذي خاض مسيرة في أفريقيا تصل إلى 19 عامًا.وخاض ميتشو أخر مباراة رسمية مع أورلاندو بيراتس أمام سوبر سبورت يونايتد الجنوب أفريقي وانتهت بالخسارة 3-0 في بطولة الدوري المحلي.

احمد صلاح السعدني وندم وقت لا ينفع الندم

ان تجربة الفنان احمد صلاح السعدني مع طليقته ماهي الا تجربة مكررة في الشارع المصري دائما كمصريين نندم في وقت لا ينفع فيه الندم ونبكي كثيرا على فقدان اشياء نحن من فرطنا فيها لا نزايد ابدا على حزن احمد السعدني ولكن لقد قال بالنص " عمري في حياتي ما اتكلمت عن حياتي الشخصيه لكن حسيت إني لازم اعمل كده دلوقتي.. فذكر إن الذكري تنفع (المؤمنين) أو الكافرين أو المستهبلين أو تنفع أي حد هحس إني عملت حاجة، هحاول مطولش".

تابع: "يوم ٩/٩/٢٠٠٣ حب من أول نظرة في الشارع ما بين معهد السينما حيث كانت تدرس ومعهد فنون مسرحية حيث كنت ألهو وأدرس برضه ميضرش كنت راكب عربية وكانت ماشيه علي رجلها كنت هخبطها لكن حصل خير لا محصلش قوي خبطتتي هي في قلبي حب تقطيع شرايين سنة خطوبة سنة كتب كتاب شهر جواز خلفة أول ولد هنا بدأت المشكله اللي بكتب الكلام ده عشانها".

أضاف: "أنا زي كتير للأسف شباب anti تحمل مسئولية بص لنسب الطلاق وأنت تفهم أنا بيجيلي ارتيكريه لما أحس إني مسئول وهي برضه حبيبتي زي بنات كتير بتقول طلقني أكتر مبتنطق اسمي كانت النتيجة في أول سنه بس حوالي ٤ طلاق شفهي كل الشيوخ ساعتها قالولنا ده لعب عيال الطلاق ليه شروط زي الجواز تمام اسكت بقي لا تعالى يا عم طبق الشروط أدي أول طلقه".

استطرد السعدني: "قشطة يا باشا عشت حياتك ؟ اه ...ارتحت ؟؟ لا.. وحشتني وحشني حنيتها وحبها وهبلها متيجي نرجع يا بت يالا يا متخلف هوووووب جبنا تاني ولد نفس الإحساس نفس الارتكريه بس المرادي صموووود مش هينفع نتطلق تاني لا تصدق نفعت، الجانب الأناني في شخصيتي غلبني يا عم كبر مخك وعيش حياتك المشكلة إني عمري مارتحت كنت عايز حضنها وحنيتها وهبلها بس كنت بأجل الرجوع يمكن أكبر أو أعقل أو أقدر أتحمل المسئولية بجد حددت لنفسي سن معين أرجعلها فيه قال يعني هبقى نضجت بس ملحقتش"

استكمل: "ماتت في لحظة كانت بتكلمني قبلها بساعة ومكنتش عيانه كان عندها ضغط زي أغلب الشعب المصري.. الحمد لله.. ماتت ومشيت وقررت تسبني للأبد كنت فاكرها هتستناني ومتأكد من ده مستحيل تحب حد غيري مجاش في بالي إنها ممكن تموت دلوقتي صغيرة وأكتر واحدة في حياتي شفتها بتحب الحياة وعندها طاقة إيجابية، ماتت وسابتلي الولدين والندم".

تابع: "أنا متاكد إنك في الجنة رحتي للي خلقك يوم عرفهة وأميرة وست البنات والستات ونضيفة وكريمة وصنتي ولادي وبيتي.. بحبك يا أمل حياتي اللي اتهد وبوعدك المرادي هشيل المسئولية، للأسف اتعلمت الدرس بس بعد ما اتحرمت من حنيتك وحضنك وولادك كمان اتحرموا من أحن أم ربنا يقدرني وأربيهم احسن ما كنتي عايزة.. بحبك ومش بطلب منك غير إنك تسامحيني.. ربنا يرحمك ويرحمني ويرحم ولادنا يا حبيبة عمري الوحيدة"." نفسي نتعلم ونحاول نحل المشكلة قبل ماتقع الفاس في الراس وربنا يرحمها ويرحم جميع موتى المسلمين 

مرسى مطروح الجميلة

مرسى مطروح الجميلة انها عروس حقيقية على البحر حيث ترى وجهك في مياهها وتنطلق روحك هناك في مناظرها الخلابة وتنتعش نفسك في شارع الاسكندرية مرورا بكهف الملح سلمان والقرى البدوية ستجد جنة حقيقة على الارض
يمكنك ان تزور مطروح مهما كانت حالتك المادية فهي مناسبة لجميع الطبقات وهذا يحوي ايضا وسائل المواصلات اليها والطعام بداخلها ودخول شواطئها كذلك فهناك شاطئ روميل للطبقة المتوسطة وهناك شاطئ الغرام افضل قليلا وبعدها يأتي شاطئ كليوباترا وهناك البوسيت وهناك الفيروز وهناك اللجونة والابيض وبالنسبة للطعام هناك بداية من الكشري مطعم كريز الى المشويات قرية كمنه الرائعة وهناك مطعم كنتاكي وهارديز وهناك مطاعم اسماك متميزة جدا مثل مطعم مجدي . وهناك ايضا اكلات سورية مثل مطعم الدمشقي وستبهر بجلسات القهاوي المنتشرة في شارع اسكندرية وبالنسبة للتحلية فهناك هريسة احمد حسنين وجيلاتي عزة ستجد في مطروح كل ماتهفو نفسك اليه .